"Furriaus su dépidu". Cenàbara in Aristanis assembrea cun Franco Turigliatto

(IlMinuto) – Casteddu, 14 de su mesi de martzu - "Sa crisi de su neoliberismu e su crobu asuba de sa demogratzia". At essi custu su tema de s'assembrea pública aprontada de su Comitau "Furria su dépidu", in programa po cenàbara 16 de su mesi de martzu i Aristanis (17.30, Hotel Isa). Obietivu de su comitau est de arregolli adesionis po s'apellu de fai una comissioni de inchiesta apitzus de su dépidu públicu. "Dépidu públicu - si ligit in d-una nota - assumau po favorèssiri arrendas, profetus, interessus de classi e de unu girixeddu de meris, seguramenti no est fatu po agiudai is ispesas sotzialis, s'imparu, sa cultura, su traballu". A s'atopu aprontau de "Furria su dépidu" at pigai parti puru Franco Turigliatto, boxi de "Sinistra Critica".