25 de su mesi de arbili. Usb: "su ministru de is Internus boghit a su prefetu de Casteddu"

30 Arbili 2012
Image
usb-resistenza.jpg

(IlMinuto) – Casteddu, 30 de su mesi de arbili - "Po permítiri a is natzifascistas in sa diri de su 25 de su mesi de arbili de alabai a su natzifascismu su cuestori at determinau de fai isbaratzai [...] sa pratza Gramsci". Est cantu denutziat s'Usb Sardigna cun d-una lítera mandada a su Ministru de is Internus. Su sindacau de basi pedit a su rapresentanti de su Governu de nci bogai a su Prefetu de Casteddu, responsàbili de ai donau s'autorizatzioni "a fai una manifestada natzifascista in sa diri de su 25 de su mesi de arbili". "Pentzaus - scririt Usb - no Ddis siat fuiu cantu acontéssiu in Casteddu [...], su prefetu at determinau de autoritzai una manifestada cun assentadura de una curona a su monumentu de is caius de parti de grupus neofascistas/neonatzistas po amentai a is caius de sa República de Salò, 'sordaus' impegnaus a tempus prenu a agatai e cassai tzitadinus italianus ebreus, pipius e malàdius, antifascistas e partesanus de intregai a is cameratas tedescus po su maceddu in is campus".


© RIPRODUZIONE RISERVATA