Àcua "beni comunu", in Casteddu assembrea publica cun Zedda e Lucarelli

(IlMinuto) – Casteddu, 17 de su mesi de arbili - Cali política apitzus de s'àcua "beni comunu" si depit fai in Casteddu a sa luxi de su referendum de su 12 e 13 de su mesi de làmpadas de su 2011? De custu s'at a fueddai cenàbara 20 de su mesi de arbili (17.00, Saba Search, sutapranu de su Palatzu Cívicu in bia Roma) in d-un'assembrea publica. A s'atopu, aprontau de sa Federatzioni de sa Manca e de s'Itàlia de is Valoris, ant a pigai parti su professori de Diritu publicu e Assessori a is Benis Comunus in Napoli, Alberto Lucarelli, sa rapresentanti de su Comitau de su logu "Àcua beni comunu", Anna Mucci, is consilleris comunalis Enrico Lobina (Fds), Giovanni Dore (Idv) e su síndigu de Casteddu Massimo Zedda. "Po sa primu borta a pustis de 16 annus - scririt Lobina in su giassu suu - is referendum ant superau torra su cuorum e ant espressau duus jes crarus a s'àcua beni comunu. S'est furriada sa posidura chi bolit ca is serbítzius públicus essentzialis siant gestius de is privaus, [...] ma Su Guvernu Monti andat in diretzioni contraria"