Avenimentus: in Borore "Cocoi su pani rituali de Pascamanna"

(IlMinuto) – Casteddu, 5 de su mesi de arbili - Su Comunu de Borore, su Museu Rituali de su Pani de sa bidda e su Tzentru de su Cumérciu Naturali "Imbertighe", impari a is operadoris artesanus maistus de pani e druceris de su Tzentru italianu féminas, aprontant po su 9 de su mesi de arbili sa manifestada culturali "Cocoi su pani rituali de Pascamanna". Mostras, atastus, convegnus, butegas ant a allirgai sa bidda in provìntzia de Nùgoro. At essi sa primu ocasioni, in sa cali, comenti si ligit in d-una nota de imprenta, s'ant a uniri "su mundu de sa cultura e su de su 'fai' artesanali e de sa connoscéntzia passada atressu de is inzénnerus". Su Museu de su Pani rituali de Borore at a diventai "un''imbirdiera' […] po connosci, imparai cun is butegas, po si cunfrontai cun su territóriu e s'istória sua, e infinis po pigai, pani e drucis".