In Casteddu su mesi de arbili est contra a su fascismu. Obertas is adesionis a sa proposta de su Cordinamentu

12 Arbili 2012
Image
aprile-antifascista.jpg


(IlMinuto) – Casteddu, 12 de su mesi de arbili - "Propòniri a sa tzitadi unu mesi de arbili contra a su fascismu aundi, dognunu cun is próprius métodus, cun sa própriu sensibilidadi, potzat espressai s'arrealia a sa spainadura e a s'espressamentu de isulamentu e intolleràntzia". Est custa sa bidea promovia unus cantu de diris fait de su Cordinamentu casteddaiu contra a su fascismu. Una campagna longa unu mesi, duncas, fata de tantis atopus signalaus de chini ndi pigat parti: avenimentus unius de s'aburia a su fascismu. "Si ses un'assótziu culturali - si ligit in d-una nota - un'organizatzioni política, de voluntariau, un'onlus, un'artista, unu colletivu, unu grupu musicali, o calisisiat àtera realidadi chi tenit avenimentus in programa, po su mesi de arbili in Casteddu e in su cincondàriu, ti cumbidaus a pigai parti a sa campagna 'Mesi de Arbili contra a su fascismu'". Is modalidadis de adesioni s'agatant in su giassu de su Cordinamentu contra a su fascismu.



© RIPRODUZIONE RISERVATA