Imu. Tula esentat a is tzitadinus de sa pagamenta asuba de sa primu domu

(IlMinuto) – Casteddu, 18 de su mesi de arbili - S'aministratzioni comunali de Tula, mancai sa crisi económica e su dinai liau a is entis de su logu, agiudat a is tzitadinus suus liendi sa pagamenta de s'Imu asuba de sa primu domu. Est custa una de is novas chi iaus a bolli donai dógnia diri, est custu chi s'abetaus fatzant totus is síndigus de sa Sardigna. Est a nai assegurai unu minimu de benèssiri a is próprius tzitadinus. "Endi adotau fintzas de su primu mamentu una política a su costau de sa genti, - si ligit in d-una nota de imprenta - circaus de fai diventai sèmpiri prus cumbenienti sa vida in sa bidda nostra". S'Imu est difatis una pagamenta chi ferrit unu beni primàriu de sa personi e chi duncas donat ispesas bias a su bilantzu familiari, fatuvatu tambeni cun d-unu mutuu. Po custa arraxoni, in d-unu "períudu de crisi e de incertesa económica - afirmat s'Assessori Bilantzu Costanzo Foddai – seus satisfaus de no ai pesau, cun is possibilidadis pitias chi teneus, asuba a de sa 'pressione fiscale' chi ferrit oviamenti a sa comunidadi tulesa puru".