Paperi de Convergéntzia indipendentista. Po sa festa de is sardus aMpI oberrit su dobàtidu a su Pópulu Sardu

(IlMinuto) – Casteddu, 27 de su mesi de arbili - Est in sa diri de sa festa de su pópulu sardu, po is afestus de sa Die de Sa Patria Sarda, chi a Manca Pro s'Indipendentzia aberrit su Paperi de Convergéntzia Indipendentista a "totus is indipendentistas e a is fortzas santzeras de sa terra nostra". Un'abertura, custa chi iat a podi aberri scenarius insolitus biu ca est sa primu borta chi unu progetu políticu unitariu benit afidau a su pópulu. "Est - acrarat sa boxi de aMpI Cristiano Sabino -, una baga istórica, s'ocasioni po cuncurriri a fabricai unu caminu de soberania, chi is indipendentistas scapus o in assótziu, is movimentus sotzialis e de categoria no ant mai tentu primu". At essi, difatis, apitzus de is valoris e de is obietivus de su Paperi ca dognunu at podi donai su cuntributu suu a s'arrexonu, dibatendi asuba de is puntus de adesioni e de cunvergéntzia decretaus in su documentu chi sa manca indipendentista at presentau in Casteddu su 24 de su mesi de martzu passau.