"De cuàturu mesis su comunu de Casteddu no pagat su sussidiu a chini tenit istrobus a conca"

(IlMinuto) – Casteddu, 7 de su mesi de maju - "Unu tardamentu de cuàturu mesis in su sussidiu a is màladius chi tenit istrobus a conca est donendi problemas sérius a is famílias casteddaias cun personis disàbilis". Est cantu denuntziat cun d-unu comunicau de imprenta Maria Grazia Caligaris, presidenti de s'Assótziu Sotzialismu Diritus e Reformas. "Funt - acrarat Caligaris - po su prus famílias mannas chi bivint cun d-una pensioni de becesa. S'úrtimu sussidiu est stétiu donau de su Comunu de Casteddu su mesi de paschixèdda passau. Su sussidu de 173 eurus a su mesi po unu númeru mannu de famílias est un'agiudu de importu mannu po su prus in d-unu mamentu comenti su chi seus bivendi".