In Sardigna duus fin'e cida cun Pani e Casu

(IlMinuto) – Casteddu, 9 de su mesi de maju - Pani e Casu elementu chi ghiat s'eventu chi at a contai s'identidadi chi si espressat atressu de su traballu. Ortzài, Gavoi, Ollolai e Sarule funt terras agriculas chi s'amentat beni de su pastori in tramuda, chi in is diris solitàrias in su satu si movit cun su càrrigu aguardau aintru de sa taschedda. Allogau ddoi tenit pani e cau, cosa de papai única po diversas cidas. Pani e casu, in su fine de cida de su 12-13 e 19-20 de su mesi de maju, at a allirgai su coru de sa Barbaza. Sa manifestada, aprontada de is aministratzionis comunalis de Ortzài, Gavoi, Ollolai e Sarule, apogiada de sa Regioni Autónoma de Sardigna cun s'agiudu de diversus assótzius de su logu, at a ofèrriri a su bisitadori caminus gastronòmicus fatus de sa cosa de papai de su logu e de is prodotus prus bellus e de itineràrius atressu de su paisagiu intre is tzetrus istóricus e in s'oru de is sémidas e de is catzas. Su programa istremenau chi si sboddiat in cuàturu diris, previdit butegas didàticas e anàlisi "sensoriali" asuba de sa cosa de papai aundi is espertus e is ispecialistas ant a fueddai de allicus, de s'educatzioni a s'allicu e de sa possibilidadi de agatai un'acàpiu intre sabori e isciri, balimentu ambientali e balimentu de sa saludi. Po ndi sciri de prus castiai su giassu