In Gonnosfanadiga un'atopu po fueddai de trigu

(IlMinuto) – Casteddu, 21 de su mesi de làmpadas - Est prevìdiu po sàbudu 23 de su mesi làmpadas, a cumentzai de is 10.15, in is aposentus de s'iscola elemetari de arruga Vittorio Emanuele in Gonnosfanadiga, s'atopu aprontau de s'Agentzia Laore Sardigna asuba de su tema "S'avaloramentu de sa 'Filera' de su trigu in Sardigna formas ténnicas i económicas". S'atopu, chi si sboddiat aintru de sa IX Sagra de su pani de Gonnosfanadiga, bolit promòviri sa produtzioni e su consumu de pani otentu de símbua de trigu sardu tzertificau. "Su pani traditzionali prodúsiu de simbuas de trigu sardu cun s'impitu de framentu, - si ligit in d-una nota de imprenta - est circau sèmpiri de prus i est apretziau meda de su consumadori, po is primoris de agradessimentu, is dieteticus e is de saludi, chi bessius a pillu de circas issentíficas". Est po custa arrexoni chi "una promotzioni in prus, chi sa conoscéntzia e s'annestru a su consumu fundoriau, podit agiudai in d-un'ótica de 'filiera', a a torrai a arricai su cumpartu de sa laurera". A tucai de is 18.00 s'at a tenni una butega didàtica puru, cun dimustratzionis de sa sueta traditzionali, caminus ghiaius de anàlisi "sensoriale" e atastus de is panis de su logu.