Atopus de alleàntzias eletoralis. Su pentzu de su Prc

(IlMinuto) – Casteddu, 31 de su mesi de argiolas - Cumentzant is traballus po su Partidu de sa Rifondazione Comunista primu de is eletzioni. Est difatis in abetu de is iscadéntzias eletoralis ca su segretàriu regionali de su Prc Alessandro Serra acrarat cun d-una nota de imprenta su pentzu de su partidu suu: "Nisciunu diktat de parti de Rinfonzione Comunista asuba de is alleàntzias chi calencuna fortza chi oindì si reconoscint in sa manca de tzentru sarda iat a bolli fai po is eletzioni chi benint, no boleus proibiduras e no ndi imponeus". "Rifondazione Comunista - acrarat Serra - lotat a manera chi su cunfrontu chi s'est oberrendi intre sa manca de tzentru e is movimentus e is assassótzius identitàrius (cumentzau in s'atopu de su 18 de su mesi de argiolas passau in su Caesar Hotel de Casteddu) s'afortit, po avreguai si si podint determinai is cunditzionis 'programmatiche' po fabricai s'alleàntzia de sa Tramuda e de s'Autonomia.