In Pèifugas si narat stop a is isperdítzius. Arribant i primus màchinas elétricu

(IlMinuto) – Casteddu, 19 de su mesi de argiolas - Su Comunu de Pèifugas narat ca no a is isperdítzius e avantzat abia de is energias rennovàbilis furnendusì de duas machineddas elétricas chi ant podi essi impitadas de sa poliza municipali e de s'ofítziu ténnicu. Unu sceberu in nòmini de sa "mobilità sostenibile" portada a cumprimentu cun d-unu finantziamentu de sa Regioni sarda. Pèifugas est su primu Comunu de s'ísula chi abatit is costus atressu de unu sitema arricau Soli-Energia-"Mobilità". Is màchinas acrarat una nota de imprenta de Indipendèntzia Repùbrica de Sardigna - "si torrant a carrigai atachendusì a unu reparu cuncodrau de tellas solaris annullendi s'impestadura filla de is combustibilis fossilis e annullendi puru cussa acùstica". "S'intentzioni - acrarat su síndigu Mario Satta – est sa de podi fai impitai custas màchinas elétricas a totus, a is turistas puru,  po si movi in su circondàriu comunali a discansu, a gratis e chentza de impestai "