"Progetu Lianora". Su no colletivu de su Consillu Provintziali de Aristanis. ProgReS: "satisfatzioni prena"

(IlMinuto) – Casteddu, 23 de su mesi de argiolas - Est stétiu colletivu su votu espressau cida passada de su consillu provintziali de Aristanis contra a su "progetu Lianora" po s'arrexonu de s'odg presentau de sa Comissioni Ambienti. Ananti a s'arrisurtau tentu in sa setziada consiliari, totali est sa satisfatzioni espressada de ProgReS Aristanis. Su progetu de is Moratti, ddu amentaus, at biu sèmpiri s'arrealia de is tzitadinus de Arborea, chi giai de su primu mamentu ant gherrau contra a su pertusamentu de su territóriu insoru. "Su consillu - acrarat Progetu Repùblica Aristanis - at giudicau custu progetu assolutamenti incompatìbili cun su contestu económicu-produtivu beru de su sitema Arborea". "Balu un'àtera borta - sighit sa nota de imprenta - s'assistit a s'intentzioni de impòniri un'installatzioni produtiva chi no tenit arrespetu po s'ambienti e chi no tenit profetus segurus po su territóriu ma chi arriscat de trumbullai s'otimu arrisurtau de su traballu longu e fadigosu chi su sitema Arborea at pesau".