Sa bitória de is malàdius grais meda. Salvatore Usala "Ddoi est chini gherrat, e ddoi est chini arragollit dinai e laréddias"

(IlMinuto) – Casteddu, 9 de su mesi de argiolas - "Ddoi est chini gherrat, e ddoi est chini arragollit dinai e laréddias". Est cantu at nau Salvatore Usala a pustis de ai arragortu is frutus de is tratativas cun su Guvernu Monti po fai ponni in su decretu spending Review s'art. 23 de su "Fondo Letta". In sa primu stérrida si fueddàt scéti de is malàdius de Sla, "apu pediu e otentu - acrarat Usala - s'insertamentu de totus is patologias chi donant istrobus mannus, mi parrit una cosa de importu mannu". Mancai s'acórdiu, su 10 de su mesi argiolas sa lota de is disàbilis grais meda no si frimat. Is malàdius ant essi difatis ananti de su Ministeru de s'Ecunumia po una cuferéntzia de imprenta e po atopai a su Sotosegretàriu Polillo. "Depeus cumprendi - si pretzisat in d-una nota de imprenta - cantu centenas de milionis de su 'fondo Letta' ant a tocai a is disàbilis grais meda, boleus chistionai de su progetu struturali nostru". "Ddoi at essi de lotai, po sa spartzidura de is 700milionis cun su Dpcm, po su decretu de partitzioni intre is regionis, po donai su dinai a is famílias".

Fotografia de p.s.v. pigada de Flickr