Su compitu de sa Fds in s'aministratzioni casteddaia, oi atopu obertu a totus

(IlMinuto) – Casteddu, 19 de su mesi de argiolas - S'at a tenni oi a is 19.00 in sa saba reunionis de s'ex circoscritzioni n. 3, in arruga Montevecchio 29 in Casteddu, s'atopu obertu a totus aprontau de sa Federatzioni de sa Manca. S'atóbiu tenit comenti obietivu su de fai unu primu bilantzu políticu de sa própriu esperiéntzia in sa majoria de su Consillu Comunali. "A pustis de un annu - si ligit in d-una nota de imprenta - seus cumbintus ca s'esperiéntzia un s'aministratzioni política de Casteddu siat stétia de importu mannu e depat essi mandada ainnantis cun determinu e abiléntzia". In s'atopu s'at a chistionai de su compitu chi sa Fds at tentu in s'aministratzioni de sa tzitadi fintzas a oi e s'ant a tirai is conclusionis asuba de su chi s'est fatu e de su chi si depit fai balu in su tempus benidori.