"Trenitalia isciusciat is ferruvias in Sardigna". Sa denúntzia Filt Cgil. Liada sa línia po Pòrtu Turre

25 Argiolas 2012
Image
trenitalia2.jpg


(IlMinuto) – Casteddu, 25 de su mesi de argiolas - Trintaduus collegamentus de mancu, sa línia po Pòrtu Turre est stétia liada de su totu, amenguaus is viazus intre Aristanis, Campidanu de Mesu e Surcis Igresienti. Est cantu previdit su pranu nou de Trenitalia po sa Sardigna intrau lúnis passau. Ddu fait sciri cun d-una nota de imprenta su segretàriu de sa Filt Cgil Sandro Bianco, denuntziendi is istrobus nous e grais chi ant a depi patiri is pendulais de totu s'ísula. "Trenitalia - pretzisat Bianco - sighit a destruiri e ddu fait in sa medesa generali de is istitutzionis regionalis. Su determinu de Trenitalia no si podit atzetai - concluit su sindacalista - e su sindacau s'at a furriai in modu grai po fai torrai a ponni is collegamentus".




© RIPRODUZIONE RISERVATA