"Agentzia Sarda de is Intradas e Rédditu mínimu assegurau". In d-una lítera oberta is propostas de Serra e Lobina (Prc)

(IlMinuto) – Casteddu, 3 de su mesi de austu - "Scotzeddai a totus is sardas e is sardus líberus". Custu s'obietivu de sa lítera oberta a is iscritus e simpatitzantis, proposta de is duus rapresentantis de su Prc, su segretàriu regionali Alessandro Serra e su responsàbili regionali Ecunumia e traballu Enrico Lobina, po ponni S'Agentzia Sarda de is Intradas e su Rédditu Mínimu Assegurau, difatis is duus políticus torrant a promòvi calencuna de is batallas nàscias de àterus sugetus políticus e sindacalis in is últimus annus. "Su stadu italianu - pretzisant Serra e Lobina - si depit 10 miliardus de eurus. Cun s'Agentzia Sarda de is Intradas pentzaus a su modu po fai abarrai in Sardigna is resorsas chi funt nostras po statutu. Est custu su motivu chi si fait acotzai sa proposta". Po su Rédditu mínimu assegurau, is duus rapresentantis del su Prc proponint de acotzai s'arregorta firmas promòvia de sa Fiom Cgil in acotzu de una proposta de lei populari.