In Arborea "Gentarrúbia asuta de is isteddas" contra a su pertusamentu

(IlMinuto) – Casteddu, 9 de su mesi de austu - "Gentarrúbia asuta de is isteddas". Est custu su nòmini de s'avenimentu aprontau de su comitau tzitadinu No a su Progetu Lianora - Nisciunu pertusamentu in Arborea e prevìdiu po cenàbara 10 de su mesi de austu a cumentzai de is 20.30 in pratza Maria Ausiliatrice in Arborea. Unu noti de scedas, dibàtidus e música po arremaciai - si ligit in d-una nota - "su No de sa populatzioni de Arborea e de totu sa Provìntzia de Aristanis a su Progetu Lianora".