Istersìli saboris naturalis de Sardigna cun sa V editzioni de sa "Sagra de su frigadori e de is coeddas"

(IlMinuto) – Casteddu, 3 de su mesi de austu - Lompit ocannu a sa V editzioni sua sa "Sagra de su frigadori e de is coeddas" de Istersìli, chi proponit a totus is bisitadoris unu viazu po torrai a iscoberri is saboris antigus. In sa guarnitza mirífica de sa Barbàgia 'e Seùlu, su 12 de su mesi de austu, a cumentzai de is 10.00, is ospitis de sa sagra ant a podi acuntentai su fabau insoru cun s'atastu de sa cosa de papai de su logu e cun d-una bella tassa de binu. No ddoi ant essi scéti atastus perou. Sa sagra at essi difatis una festa po sa vista e s'oidu puru, cun is aparadas de is propodotus de s'artesanau e sa música de su sonadori de sonetu de Istersìli etotu Bernardino Boi, de is tenores de Orgòsolo, de su cuncordu polifonico de Nùgoro Su Nugoresu e de su sonetu de sa picioca de Durgali Alice Pira. Ant a a cabai sa festa is baddus in pratza in cumpangia de su grupu Sonadores