Is amigus de su Libanu-Sardigna aprontant su cunvegnu "Al-Qadyia - La Causa"

28 Cabudanni 2012
Image
libano.jpg


(IlMinuto) - Casteddu, 28 de su mesi de cabudanni - S'intitulat "al-Qadyia - La Causa" su cunvegnu internatzionali de s'Assótziu Amigus de su Libanu-Sardigna prevìdiu po su 29 de su mesi de cabudanni chi benit in Casteddu. S'avenimentu, apogiau de s'Autoridadi Portuali de Casteddu, s'at a sboddiai in sa saba cuferéntzias de su Terminal gruxeras in s'arburada Colombo 2 a cumentzai de is 17.00. "Sa proposta - si ligit in d-una nota - nascit de s'acuntéssia Palestinesa e de is aici naus 'Beranus Arabus' chi ant agiudau, in su beni e in su mali, a mudai is cosas in is Istadus africanus de su Mediterràneu e, cun modus e tempus diversus, in is de  su 'Vicino Oriente'". Medas is chi ant a fueddai, intre is calis S.E. Sayyed Mohammad Ali Hosseini, Ambasciatore de s'Itan in Itàlia; Ibrahim Farhat, giornalista e diretori de Tzentru Istudius istratégius de Beirut; Hassane Jouni, Professori de diritu Internatzionali in s'Universidadi Libanesa de Beirut e Francesco Birocchi, Presidenti de s'Assótziu Imprenta Sardu



© RIPRODUZIONE RISERVATA
Tags