A sa IV editzioni su cuncursu de is sebadas

(IlMinuto) - Casteddu, 19 de su mesi de cabudanni - Fait cuàturu annus su cuncursu de is sebadas, una de is perellas de s'ofelleria de sa Sardigna. S'atopu est prevìdiu po sàbudu 6 de su mesi de ledàminis de su 2012 in Bolòtana. "S'avenimentu chi tenit s'iscopu de incrichiri e promòviri sa cultura e sa conoscéntzia de is produtzionis de calidadi fatas de s'industria chi traballat su lati - si ligit in d-una nota - est po is produtoris chi funt in Sardigna". Po pigai parti a su cuncursu tocat a mandai a su comitau chi aprontat s'avenimentu sa dimanda de partecipatzioni e su regulamentu firmaus, totu intru is 14.00 de su primu de su mesi de ledàminis de su 2012 atressu de fax, posta o a manu, a s'indiritzu: Laore - Portellittu únicu territoriali Marghine Cursu Umbertu I, 226 - 08015 Macumère tel. 078571089 fax 078571593 referenti Pasquale Marrosu – cell. 348 2363192. Intru de su 2 de su mesi de ledàminis a is 8.00 ant a depi arribai in su mantessi indiritzu is campionis de su prodotu acumpangiaus de un'ischeda de reconoscimentu. "Is campionis - acrarat su comunicau de imprenta - ant essi sutapostus a esamu 'sensoriale' de una comissioni de espertus chi at a eligi a is primus tres classificaus". Is arrasutaus de sa gara de sa sebada at essi presentaus su 6 de su mesi de ledàminis a is 10.30 in sa saba consiliari de su comunu de Bolòtana.

Fotografia de uomoelettrico. Pigada de Flickr