Crisi: Fortza Paris "Su Consillu regionali torrit a is sardus su dinai insoru"

(IlMinuto) - Casteddu, 5 de su mesi de ledàminis - A faci de sa crisi chi ferrit a sa Sardigna e a faci de is solutzionis progetualis chi no ddoi funt stétias de parti de sa classi política chi dda guvernat, "Is taglius sighius de is trasferimentus de s'Istadu a sa Regioni e de custa a is Comunus, frimant - si ligit in d-una nota de imprenta de Fortza Paris - is investimentus 'infrastrutturali' e sa fornidura de serbítzius sustantzialis". Una política, sa sarda, chi no renuntziat a is privilégius e chi bit a sa Sardigna in su segundu postu in Itàlia po sa suma de is indenidadis pigadas de is Consilleris regionalis. "Una cosa est segura - sighit su comunicau de Fortza Paris - totu cussu dinai po cantu si bit no serbit. Duncas, si passit a is fatus e si fatzat un'irminorigamentu mannu de is indenidadis a is Grupus consiliaris e si fissit una límina màssima a is indenidadis totalis po totu s'annu po dógnia Consilleri. S'aorru si torrit a is sardus asuta de sa boxi 'políticas sotzialis'".

Fotografia dei Ramocchia. Pigada de Flickr