Lompit a sa 12a editzioni sa Mostra de su Líburu de Macumère

25 Ladàminis 2012
Image
mostra-del-libro-in-sardegna-300x221.jpg
(IlMinuto) - Casteddu, 25 de su mesi de ledàminis - Cumentzat oi sa 12a editzioni de sa "Mostra de su Líburu de Macumère". S'avenimentu, aprontau de sa Regioni Autónoma de sa Sardigna e de su Comunu de Macumère, cun su s'agiudu de sa Provìntzia de Nùgoro, de sa Camera de Cumértziu de Nùgoro, de su Gal de su Màrghine e de Giralangolo Líburus po Piciocus, at a essi inaugurada custu mangianu a is 10.30 in sa fiera aintru de is ex Casermas Mura e at a durai fintzas a su 28 de su mesi de ledàminis chi benit. Sa manifestada de líburus s'at a movi aintru de sa bidda. At essi difatis acasagiada in diversus logus de su comunu de Macumère. Unu programa arricu su de is cuàturu diris: acanta de sa mostra, chi po su 2012 bolit "afarcai un'apensu originali asuba de su tema de is aparecidos", dondendi prus atentzioni a is "istórias de disterraus de sa Sardigna", funt difatis prevìdius dibàtidus, atopus cun libràjus e autoris, ispetàculus teatralis, laboràtorius e ligimentus dedicaus a is piciocus, atastus de prodotus tipicus de su logu. Sa 12a editzioni de sa "Mostra de su Líburu in Sardigna de Macomer" est aprontada cun s'agiudu de s'Assótziu Editoris Sardus, de s'Assótziu Libràjus Sardus Indipendentis e de s'Unla Tzentru Serbítzius Culturalis de Macumère.
© RIPRODUZIONE RISERVATA