In Nùgoro si chistionat de militarizatzioni, cuntrollu sotziali e iscontróriu

(IlMinuto) - Casteddu, 14 de su mesi de totusantus - S'at a isbodiai in Nùgoro su 17 de su mesi de totusantus a cumentzai de is 18.00 in su Círculu Su Ritrovu, s'atóbiu "Sardigna 2020. Unu tempus benidori de militarizatzioni, cuntrollu e iscontróriu". A faci de un'ísula chi torrat a tenni una parti de import mannu in is progetus de sa Nato e de s'Istadu: presonis, radar, casermas e càstiu urbanu. A pabas de custa aprontadura de cuntrollu sotziali, is pregonis de su documentu "Nato 2020 Urban Operation" chi disignant is pranus nous de trebea e iscontróriu de is rebellias de su tempus benidori innoia su campu de gherra ant essi is tzitadis de su mundu otzidentali e s'anemigu nou at essi totu aintru de is lacanas istatalis, trubas "informalis", unias de su disisperu e de sa precariedadi. Su Círculu Su Ritrovu at a aprontai s'atopu po fai craresa asuba de s'organizatzioni de gherra noa chi ferrit a s'ísula. In su merì ddoi ant essi puru aparadas de fotografias e àteras artis, música meda cun banchitus de "controinformazione" e "autoproduzioni".