Torrat s'atopu cun sa "Sagra de su tzafanau" de Turri

(IlMinuto) – Casteddu, 2 de su mesi de totussantus - S'at a isboddiai sàbudu 3 e domínigu 4 de su mesi de totussantus sa sagra de su tzafanau de Turri. Mancai s'àcua apat trigau sa froridura de s'oru arrúbiu de su Campidanu de Mesu is produsidoris narant de essi animosus in d-un'annaba bella. Sa sagra, aprontada de sa Pro Loco de sa bidda cun s'apógiu de su Comunu de Turri, de sa Provìntzia de su Campidanu de Mesu e de su Consortziu Sa Corona Arrubia, at a cumentzai sàbudu a is 16.30 cun d-una gara de coxina. A sighiri a is 17.00, unu cunvegnu aprontau de s'Agentzia Laore Sardigna e a is 20.00 s'atastu de sa cosa de papai coxinada po sa gara. Sa manifestada at a sighiri sa diri infatu a is 12.30, cun is pitàntzias serbias a is bisitadoris. Po is 17.00, imbecis est s'atopu cun is atastus de su merì.

Fotografia de SanGiovanello. Pigada de Flickr