Usb a su costau de is precàrius Csl e Cesil in presídiu

29 Onniasantu 2012
Image
presidio2-300x217.jpg


(IlMinuto) - Casteddu, 29 de su mesi de totussantus - Torrant in pratza is fantàsimus de su precariau e ddu faint cun d-una manifestada 'autoconvocata'. Is precàrius de is Tzentrus serbítzius po su traballu (Csl) e de is Tzentrus serbítzius insertamentu (Cesil) si funt difatis donaus atopu po oi a is 10.00 in bia Roma asuta de su Consillu regionali: ant a protestai aparicendi banchitus in rapresentàntzia de is fainas de traballu insoru. Asuba de is mesas ant essi postus in manera simbòlica is serbítzius de su traballu po disimperau e is pedonis. "In pratza poneus is beridadis nostras!", afirmant cun determinu is traballadoris Csl e Cesil. Est de is diris passadas, difatis, s'impugnamentu de parti de su guvernu de sa lei regionali n. 17 de su 13/09/2012, chi arregulat su finantziamentu a is entis de su territóriu po su funtzionamentu de is Csl e de is Cesil. S'arriscant in totu 663 postus de traballu. 663 personis s'ant a podi biri annulada sa conoscéntzia e sa cumpeténtzia fata in annus meda de precariau istóricu. "Castiendi a is 36 mesi de serbítziu sighiu e a is isceberus públicus passaus - pretzisat s'Unioni Sindacali de Basi - po is 363 precàrius ddoi funt totus is presupostus de lei po ativai unu caminu de istabilizatzioni a cufroma de régula, ma mancat sa boluntadi política e no si cumprendit poita!" "Prusatotu, - sighit Usb - no si cumprendit comenti agoa de annus meda, a cumentzai de su bonu esémpiu, sa Regioni no si donit de fai in su fàbricu de traballu fissu comenti iat a bolli sa lei chi fait nasci a is Serbítzius regionalis po su traballu".


Fotografia de albertobignami.net. Pigada de Flickr




© RIPRODUZIONE RISERVATA