S'Unioni de is Comunus Fenicius puru deliberat contra a su Progetu Lianora

(IlMinuto) – Casteddu, 11 de su martzu - Su comitau cívicu "No a su Progetu Lianora" torrat gràtzias a s'Unioni de is Comunus Fenicius, chi incluit su comunu de Crabas, su de Pramas, su de Arriòra, su comunu de Santa Justa e su de Biddaobràna, po ai cojau, impari a is próprius aministradoris, s'incansàbili batalla sua. S'Únioni de is Comunus Fenici puru at difatis deliberau s'arrialia a su Progetu Lianora. Un'atu chi amostat - afirmat su comitau - ca "sa solidariedadi e s'unioni de intentus de is tzitadinus e de is aministratzionis funt de importu mannu in is gherras po s'amparu de s'ambienti e de su territóriu nostru". Lotas chi po su comunitau no depit abarrai serradas in is lacanas de is territórius, ma depint "essi amanniadas e fatas próprias de dógnia tzitadinu sardu". Su comitau cívicu "No a su Progetu Lianora" sighit su traballu suu e oi at essi presenti in sa setzioni Coldiretti de Arborea chi s'at a isboddiai in Tzentru de sa Fiera de sa bidda.