In Crabònia si chistionat de Sardigna cun su dibàtidu "Unius po su tempus benidori Unius po sa Sardigna"

(IlMinuto) – Casteddu, 10 de su mesi de maju - "Unius po su tempus benidori Unius po sa Sardigna". Est custu su tema de s'atopu aprontau de su Cumitau "Tzitadinus in Amparu de su Territòriu" prevìdiu po sàbudu 18 de su mesi de maju a cumentzai de is 17.30 in s'Anfiteatru Pratza Marmidda de Crabònia. Un'avenimentu chi bolit essi "unu scràmiu de luitzioni po totu sa Sardigna", scririt Manolo Mureddu, unu de is aprontadoris, in sa pàgini facebook de s'avenimentu. Su de Crabònia at essi unu mamentu de cunfrontu intre cumitaus, partidus indipendentistas, soberanistas sardus e assòtzius. Funt duncas cumbidaus a pigai parti totus is tzitadinus de sa Sardigna. Diversas is boxi chi ddoi ant essi in saba: de Sardinia Natzione a a Manca pro s'Indipendentzia, de Sevland a Irs, de Sardigna Libera a Meris, de Frocu Birdi a Fillus de sa Crisi, de SIs-MA a Fortza Paris e a Fortza Paris Populu Sovrano. Sa lista, si ligit in sa pàgini de su social network populari, est a oi in agiornamentu.