In Itiri Cannedu si fueddat de "Sardigna 2020 unu tempus benidori de militarizatzioni e cuntrollu sotziali"

(IlMinuto) – Casteddu, 24 de su mesi de maju – "Sardigna 2020 unu tempus benidori de militarizatzioni e cuntrollu sotziali". At essi custu s'argumentu de s'atopu chi s'at a isboddiai in Itiri Cannedu domìnigu 26 de su mesi de maju, a is 17.30 in su currillu culturali Su connottu, cursu Vitoriu Manuelli 198. Un'apuntamentu innoia s'at a arrexonai asuba de su dossier aprontau de S'idea libera: "Nato 2020. Unu mondu a dimensioni de bancheri". Un'atòbiu aundi s'at a fueddai - si marcat in d-una nota - "de is investimentus nous in su campu de sa militaritzatzioni e de su cuntrollu sotziali in Sardigna, de is radar a is cuatru presonis nous, fintzas a s'amanniamentu de sa basi di Cuirra cun sa pista noa 'droni' e a su fàbricu de sa caserma noa de Nùgoro". Ita si cuat a pabas de totu custu? A pabas de totus custu ddoi at - si ligit  - "un pranu de 'riattualizzazione' de su cuntrollu sotziali chi pigat is diretivas de su documentu de sa Nato 'Urban Operationi' innoia si marcat s'abisòngiu po is Istadus, incluiu su italianu, de si furniri de un'apariciu su prus capillari possìbili e chi tengat un'atumbidu bàsciu asuba de su territòriu po prevenni is reghèscias chi s'anàlisi de sa Nato inditat comenti possìbilis in is annus benientis, po su prus in su 2020 caundu is cunditzionis sotzialis ant essi prus grais meda". No scéti dibàtidu in s'atopu de Itiri Cannedu, ddoi atai difatis, un'aperienti puru, una mostra, e  mùsica muda  cun "Di origine oscura"