Progetu geotermicu "Cullieri": Cumitau Àbabenicomunu Pianàlza-Montiferru aderit a sa batalla

(IlMinuto) – Casteddu, 3 de su mesi de làmpadas - Su Cumitau Àbabenicomunu de sa Pianàlza e de su Montiferru donat s'adesioni sua a sa batalla contra a su progetu geotermicu "Cullieri", bullau a cuncòrdiu de su Consillu Comunali de Sèneghe e de su de Magomadas. Su progetu pertocat s'isfrutamentu de s'energia geotermica in su territòriu de su Montiferru de parti de sa sotziedadi Exergia Toscana. Su cumitau apretat in prus "tzitadinus, assòtzius e aministradoris" a pigai parti totus impari a una gherra po unu territòriu chi, in s'acasu fessat pertusau, nd'at a bessiri arruinau po sèmpiri. Amentaus ca is comunus interessaus de su progetu funt: Cullieri, Frussìo, Magomadas, Sagama, Santu Lussurzu, Iscanu, Sèneghe, Sennariolo, Tinnura, Tresnuraghes, a custus s'aciungint is comunus puru de 'Osa, Sune e Modolo, chi impitant partzialmenti s'àcua chi de sa mantessi mitza, chi, si fessat fatu s'impiantu, iat essi afrogongiada meda. Àbabenicomunu de sa Pianàlza e de su Montiferru aderit a sa protesta cun arrexonis chi funt stétias allistadas a minudu in d-una nota chi marcat su perìgulu de impestadura chi iat a ferri is mitzas in su supostu de cumprimentu de is tzentralis geotermicas. Difatis, is bacinus de s'àcua iant a patiri un'aumentu mannu de sa cuncentratzioni de arsénicu e "boro", ocasionendi dannus grais a s'ambienti e a sa saludi de is tzitadinus. A custu s'aciungit s'emitidura, in s'ària, "de pamporis de mrecùriu, arsénicu, solfatu, amunìaca e àterus impestadoris". In prus, is tzentralis geotermicas iant a andai a intacai in modu malu unu territòriu de primori naturalisticu e archeologicu a impunnada rurali manna barcili puru de "biodiversità floro-faunistiche". Totu custu po pertusamentus chi no iant a betiri nisciunu profetu a sa genti de su logu, ma, comenti previdìbili, scéti avrincus apitzus de avrincus.