S'assòtziu Antoni Gramsci amentat a Salvador Allende eatualidadi de s'"allendismo"
Image
(IlMinuto) – Casteddu, 17 de su mesi de cabudanni - "Bivat su Cile! Bivat su pòpulu! Bivant is traballadoris! Custus funt is ùrtimus fueddus mius e tengu sa seguria ca su sacrifitziu miu no est inùtili. Tengu sa seguria ca, assumancu, ddoi at essi una letzioni morali chi at a castigai sa vilesa, su atrevimentu e sa traitoria". Funt is fueddus de Salvator Guillermo Allende Gossens. In mamòria de su polìticu cilenu, primu Presidenti marxista elìgiu democraticamenti in is Americas, a 40 annus de sa morti sua e de su cumentzu de sa ditadura de su generali Pinochet s'Assòtziu culturali Antoni Gramsci de Casteddu, cun s'agiudu de su cìrculu casteddaiu de s'Assòtziu Itàlia-Cuba e cun cuntributu de s'Universidadi de is Istùdius de Casteddu, at fai sa cuferéntzia "Su Cile e s'allendismu agoa de 40 annus".
S'atopu est fissau po mérculis 18 de su mesi de cabudanni a cumentzai de is 17.30 in arruga Doberdò 101 in Casteddu e at a biri comenti reladori s'istudiosu de chistionis latinu-americanas Marcu Consolo e su presidenti natzionali de s'Assòtziu de Itàlia-Cuba Sregiu Marinoni. At a ghiai e a at a intrai is traballus Andria Dettori de s'assòtziu culturali Antoni Gramsci. "Eus a fueddai de Cile - si ligit in d-una nota de imprenta - chi tenit tambeni sa costitutzioni de Pinochet fundada asuba de su modellu 'neoliberista' bòfiu a sa marolla de su corpu de istadu de su 1973 e chi andat a is eletzioni su mesi de totussantus chi benit". Sa cuferéntzia no s'at a frimai scéti apitzus de su Cile, ma at a castiai a totu s'America Latina "a sa circa de modellus de sceberus". "Una baga - pretzisant is aprontadoris - po chistionai de sa democràtzia e de s'auséntzia sua aintru de custu sistema ecònomicu
S'atopu est fissau po mérculis 18 de su mesi de cabudanni a cumentzai de is 17.30 in arruga Doberdò 101 in Casteddu e at a biri comenti reladori s'istudiosu de chistionis latinu-americanas Marcu Consolo e su presidenti natzionali de s'Assòtziu de Itàlia-Cuba Sregiu Marinoni. At a ghiai e a at a intrai is traballus Andria Dettori de s'assòtziu culturali Antoni Gramsci. "Eus a fueddai de Cile - si ligit in d-una nota de imprenta - chi tenit tambeni sa costitutzioni de Pinochet fundada asuba de su modellu 'neoliberista' bòfiu a sa marolla de su corpu de istadu de su 1973 e chi andat a is eletzioni su mesi de totussantus chi benit". Sa cuferéntzia no s'at a frimai scéti apitzus de su Cile, ma at a castiai a totu s'America Latina "a sa circa de modellus de sceberus". "Una baga - pretzisant is aprontadoris - po chistionai de sa democràtzia e de s'auséntzia sua aintru de custu sistema ecònomicu
© RIPRODUZIONE RISERVATA