In Casteddu e in Tàtari su cursu "De is metadatus bibliograficus a is Linked Data: un'istérrida"

(IlMinuto) – Casteddu, 21 de su mesi de totussantus - Unu seminàriu de agiornamentu professionali chi tenit comenti tìtulu "De is datus bibliogràficus a is Linked Data: un'istérrida". Aprontau de sa Setzioni Assòtziu Italianu Blibliotecas Sardigna, su seminàriu at a cumentzai de is 8.30 de su 3 de su mesi de paschixèdda in sa saba cuferèntzias de sa Biblioteca regionali de s'arburada Trieste, mentras sa diri infatu s'at a sboddiai, cun is manteri oràrius, in Tàtari, in sa saba arròglius de sa Biblioteca Comunali de pratza Tola. Unu seminàriu chi at a tenni comenti ogetu sa relata finali de su Library Linked Data Incubator Group (LLD XG), chi afirmat cun fortza s'abisòngiu chi Museus, Arcivus e Bibliotecas, a cumentzai de is agentzias natzionalis, fatzant connosci is datus insoru in su web in d-una forma noa, est a nai comenti linked data. In àterus fueddus, po cantu nau de is inditus donaus, is bibliotecas iant a depi publicai is datus insoru in d-una forma prus bella po su web semànticu. In s'arrespetu totali de custas lìnias, su cursu tenit comenti scopu su de presentai is principalis propriedadis de is linked data, marchendiddi is profetus de impitu, e su de ddus ponni in relatzioni a is evolutzionis noas de is de is normas de "catalogazione" e de is "interfacce" po is utentis. Po ndi sciri de prus scriri a s'indiritzu e-mail: sardegna @sar.aib.it