Sa Terra de su mortu

(IlMinuto) – Casteddu, 19 de su mesi de totussantus - Est abèrtia meteo oi puru in Sardigna. Una terra agangada de annus de polìtica sbagliada, chi in is ùrtimas oras scéti fait bessiri a pillu su totali disamparu suu a is ogus de su popòlu sardu. No est stòria noa, funt pàginis bias e torradas a biri e scarescias a s'incrasi de dògnia avenimentu "straordinàriu". Funt 365 is diris de morti in Sardigna. Fogus, turbianas, bombas de àcua e no scéti custu tessint su bistiri de una terra chi no bit luxi. No s'agataus a faci de avenimenimentus aconcaus, ma a acontéssias bòfias e fabricadas po mori de s'abandonu e de sa speculatzioni. Is mortis de personis e bestias faint nova oi, si nd'at a fueddai cras e fotzis pusticras puru, ma a Paschixedda at essi totu scarèsciu e imboddicau. Nisciuna cuscèntzia e nisciuna làgrima, comenti is chi si funt bias apenas est subraveniu su sciàsciu donendi su inghitzu a sa campagna eletorali de is solitas facis. Arràbiu? Su de nosàterus. Chi no est diversu da su de ariseru e chi est aguali a su de cras