Operatzioni Arcadia: scontròriu e solidariedadi. Sa boxi de Sis-ma e Sni

10 Mese de idas 2013
Image
repressione2-239x300.jpg

(IlMinuto) – Casteddu, 10 de su mesi de paschixèdda - "Sighit s'ameletzu a is indipendentistas su consillu Natzionali de Sardigna Natzione espressat sa pròpriu solidariedadi a is patriotas sardus cracaxaus". Sis-ma: ‘Arcadia’ cassa a is cogas chi si tragat de tempus meda. Solidariedadi a is cumpangius mandaus a giudìtziu". Funt is fueddus chi ghiant is tìtulus de is duus comunicaus de solidariedadi firmaus su primu Sardigna Natzione Indipendentzia e su segundu Sis-ma Sinistra indipendentista sarda – Movimento Anticapitalista. Fintzas a imoi funt duus is organizatzionis polìticas indipendentistas a s'essi arringheradas e a ai espressau sa pròpriu solidariedadi a is 18 personis mandadas a giudìtziu in s'ambitu de s'Operatzioni Arcadia "Una cassa a is cogas diaderus coidadosa a orologeria e chi est mandada ainnantis de tempus meda pesada cun s'obietivu polìticu de scontroriai e disanimai dògnia forma de arrumpellamentu a su regimi coloniali de isfrutamentu, de miseresa e de ocupatzioni militari chi acacigat a su pòpulu sardu", cumentant is indipendentistas de Sinistra indipendentista sarda – Movimento Anticapitalista. e comenti Sis-ma Sardigna Natzione puru pretzisat: "Sni chi connoscit a is indipendentistas trisinaus in su manixu de criminalizatzioni, scit ca is 18 patriotas ant fatu sèmpiri sa militantzia insoru, comenti nos, a sa luxi e ca no ant mai crètiu in s'aciocu armau comenti mètidu po sciolli is chistionis chi depint tenni una solutzioni polìtica". Po Sis-ma- Sinistra indipendentista sarda – Movimento Anticapitalista “no est de malesaura su determinu de su Gup de acroconai su pragoni fatu de issu etotu innoia si naràt ca su determinu de asciolli o de mandai a giudìtziu ai is acusaus iat essi stètiu pigau asuba de sa copiadura de is intercetatzionis fatas de is piritus". "Seus cumbintus ca, - pretzisat s'organizatzioni indipendentista e anticapitalista – comenti in àteras acontèssias agualis, sa copiadura de is intercetatzionis iat ai postu luegu in craru sa lebiesa de is acusas, de is casteddus de paperi chi faint s'operatzioni Arcadia" Ddu arremaciat Sni puru: Arcadia est un'"esàzeru polìticu giuditziàriu". Est difatis po custa arrexoni ca Sardigna Natzione pentzat "ca totu s'operatzioni fatzat parti de un'àteru isforzu de criminalitzai su mundu indipendentista sardu".


© RIPRODUZIONE RISERVATA