Eletzionis comunalis i europeas: si votat su 25 de su mesi de maju chi benit

(IlMinuto) – Casteddu, 1 de su mesi de arbili - Est stètia fissada de sa Giunta Regionali sa data po is eletzionis comunalis i europeas. S'at a votai su 25 de su mesi de maju chi benit. In d-un'ùnica diri is sardus ant a depi votai po su rennou de su parlamentu europeu e po s'eletzioni de is sìndigus e de is consillus comunalis de s'ìsula chi, intru de su 2014, depint fai su rennou insoru. Eventualis turnus de "ballottaggio" po s'eletzioni de is sìndigus funt stètius fissaus po s'8 de su mesi de làmpadas de su 2014. Is comunus interessaus a is eletzionis funt: Guasille, Pula e Crabonaxa po sa provìntzia de Casteddu; Santu 'Engiu e Serrenti po su Campidanu de Mesu; Cal 'e Sèda po sa provìntzia de Carbònia-Igrèsias; Onanìe po sa de Nùgoro; Tortolì e Biddamànna Istrisàili po sa provìntzia de s'Ogiastra, Bosa, Jaròi, Sorradile e Tadasune po sa de Aristanis, Figari po Terranòa-Tèmpiu. Afines s'Alighera, Casteddu Sardu, Illurai, Tàtari e Sòssu po sa provìntzia de Tàtari.