Casteddu po sa Palestina. Mèrculis assembrea pùblica de informatzioni e interessu

(IlMinuto) – Casteddu, 14 de su mesi de argiolas - Est stètia fissada po mèrculis 16 de su mesi de argiolas a is 18.00 in pratza Santu domìnigu in Casteddu, s'assembrea pùblica de informatzionis e interessu asuba de s'aciocu israelianu a su pòpulu palestinesu aprontau de su Cìrculu Palmiro Togliatti e de s'Assòtziu "Amicizia Sardegna Palestina". "In is ùrtimas cidas - si ligit in d-una nota de imprenta - is 'rastrellamenti', is arrestus foras de contu e is bocimentus de civilis in Cisgiordania, is bombardamentus is dègoglius cun dexinas de mortus a Gaza, cun s'amaletzu de un'interventu grai de terra, acontessant in sa mudesa tronosa si no amiga de sa comunidadi internatzionali e tzerriant totus is democràticus e su mundu de sa solidariedadi internatzionali a un'interventu in acotzu de is popolatzionis fertas de sa gherra". Is aprontadoris - sighit su comunicau - "cumbidant a totu sa genti, a is assòtzius culturalis, a is partidus polìticus e a is fortzas sindacalis a pigai parti a custa diri de solidariedadi e informatzioni, pentzada comenti unu primu atopu de una fibera de propostas asuba de su tema, de aprontai e isvilupai impari