Solidariedadi a is piciocus de su Colletivu Furia Rossa: sit-in a faci de su Tribunali de Aristanis

27 gennàrgiu 2020 - Su 27 de gennàrgiu, a mesudì, a faci de su Tribunali de Aristanis s’at a tenni su sit-in de solidariedadi cun su Colletivu Furia Rossa. A mesudì e mesu, difatis, ddu at su processu a una pariga de traballadoris precàrius e istudiantis de su colletivu e chi in su 2015 iant iscritu un’artìculu de cundenna a chini su 22 de gennàrgiu de su mantessi annu iat ghiau is operatzionis de su isbaratzu de sa domu de sa famìlia Spanu in Arborea. Is piciocus, in su giassu web de cussus ‘e totu, iant definiu “violèntzia de istadu” su cumportamentu tentu de sa politzia. S’acusa est de isfamamentu.

F.P.