A Mine Of Beer: sas birras chi amentant sa Miniera de Bacu Abis

7 Martzu 2020
birras a mine of beer

* Dae sa terra a sa butìllia * – A Mine Of Beer est su nùmene de sa birra mastrina de Crabònia proposta dae sa sotziedade coperativa “Circolo a mine of”. Custa realidade produtiva est nàschida in su 2017 dae sa boluntade de tres sòtzios chi aiant sa punna de si mudai in una “Beer Firm” pro produire birras de calidade chi diant àere àpidu su marcu issoro.

In sa “Beer Firm” si creant sas retzetas e sas miscias de sas birras chi si cherent produire. Unu traballu de importu mannu, chi si fàghet chirchende s’echilìbriu giustu, su pròpriu chi dat vida a birras de sabore.

circolo a mine of berr

Sas bevidas a marcu “A Mine Of Beer” si faint galu in àteros birrìfitzios: su Mediterraneo de Crabònia, su Marduk de Irgoli e su birrifìtziu ispagnolu La Castellara. Semper che semper, cun s’iscopu de verificare a realizatzione perfeta de sa retzeta, sa coperativa pigat parti a sa birrificatzione de onni idea de birra posta in òpera.

Sas birras A Mine Of Beer sunt ligadas a forte a s’istòria de Bacu Abis, sa bidda de miniera de su Meurreddia-Igresienti, su logu inoghe sunt nàschidos sos sòtzios de sa coperativa.

Sas bevidas A Mine Of Beer sunt bator: sa Bakù, sa Emil, sa Roth e sa Cast. Onni birra est pensada pro satisfàghere clientes chi ant gustos diferentes.

Chie isseberat sa Bakù, pro fàghere un’esèmpiu, comporat una Ginger Blanche. Una bevida chi si caraterizat pro sa retzeta piessigna, chi at intre sos ingredientes suos su zenzeru, una radice nuscosa meda, chi pro su sabore, su fragu e sas calidades organoleticas chi la caraterizant est apretziada meda de sas fèminas.

Sa birra Emil, a manera diversa, est una Golden Ale, una birra de 5 grados ispirada a s’istili inglesu. Una bevida beverina, simpli e incubonada pro tempus meda. Sa Emil est una birra chi s’acutziat meda a sas birras industriales.

Pro sos chi preferint sas birras a colore de pinnadellu, sa coperativva proponet Roth, una Pacific Ipa cun atzinnos de frùtora. Sa Roth est ispirada a s’istile americanu.

Sa Cast, imbetzes, est una stout, una birra iscura, una brown Porter chi leat ispiratzione dae s’istili britànnicu. Cast est una bevida beverina chi at nuscos de cafeo, tziculate, nutzola e regalìssia, Papende durches, bufare una tassa de custa birra est s’isseberu giustu pro nde alabare su sabore.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu