A Foras arrespundit a s'”Areonautica Militare”: “nisciuna esercitatzioni militari in Sardigna? Eus a abillai ca is cosas abarrint aici”
![a foras](/sites/default/files/styles/header_md/public/upload/2020/04/a%20foras.jpg?h=7fc5300c&itok=_SVc-LJn)
A pustis de sa dennega, difùndia de s'"Areonautica Militare" atressu de is giornalis, chi pertocat is esercitzatzionis militaris in Sardigna in custu momentu de apretu mannu, is militantis de A Foras pretzisant: "seus satisfaus, perou su Notam 'e totu chistionaiat de tres passitzus destinaus a is volus militaris e chi funt ocasionaus de esercitazionis militaris crispas". E aciungint: "In prus, seus dudosus poita s''Areonautica' fait isciri ca is passitzus serbint po garantiri seguresa si ddu at ai abisòngiu, ma custu abisòngiu no podit pertocai a s'apretu coronavirus, poita is passitzus sighint su caminu de Cabu Frasca a Quirra, chi est impreau scèti po is esercitatzionis militaris".
Is militantis de A Foras sutalineant ca in is diris chi benint ant a cumentzai unu progetu de propaganda contra a is ispesas militaris e contra a sa crisi de sa sanidadi pùblica in Sardigna.