Brew Bay Beer: sa beer firm chi faghet birras chi contant sos sabores de Sardigna

Nuscos crispos e colore carcu in sas etichetas màstrinas de Cuartu Sant'Aleni
4 Argiolas 2020
birras Brew Bay

* Dae sa terra a sa butìllia * - Amistade e birra podent èssere ingredientes de sa resèssida de una faina importante. Misciados impare, custos duos elementos dant vida a unu progetu birraiu, sa Brew Bay Beer, una realidade chi faghet sa cuntentesa manna de sos palados chi istimant sa birra.

Sa Beer Firm Cuartu Sant'Aleni est una beer firm primorosa chi ligat a s'amistade de sos sòtzios sa passione manna pro su mundu de sa birra.

Brew Bay Beer at una narratzione totu sarda chi tesset sos filos de s'istòria diferente de custos amigos, unu contu chi si faghet trama cun sa birra. Su resurtu est unu traballu poèticu in ue a faeddare sunt sos nuscos e sos sabores de sas bèvidas produidas.

Cuartu Sant'Aleni

Sas bèvidas creadas dae custos fìgios de Sardigna sunt etichetas chi faeddant de s'ìsula e mescamente de su Campidanu de giosso e de sa segunda tzitade de sa provìntzia de Casteddu: Cuartu.

Cale si siat istile, onni ampudda de custa beer firm costoit s'idea de birra de sos sòtzios de Brew Bay Beer. Sa summa de totus sas ideas at comente resurtu finale birras licantzas, chi si iscoberrint e si torrant a iscobèrrere. Onni eticheta dat boghe a sa particularidade sua e a su caràtere chi la caraterizat, particularidade e caràtere chi la faghet diversa dae sas àteras sorres.

Sunt chimbe sas etichetas màstrinas frutu de su traballu de sos pitzocos de Brew Bay Beer. Onni bèvida creada at unu colore bellu carcu e nuscos crispos. Onni birra paret cumbidare a la tastare.

Q-NATA (istile Belgian Ale), E.QU.A (istile American Pale Ale), DARQSIDE (istileDouble Dark I.P.A.), DOXI - Q-N.12 (istile Dark Strong Ale) e Murisca Qool (istile India Pale Ale ) sunt sas birras licanzas produidas dae sa beer firm cuartesa. Bèvidas chi praghent e chi ant otentu prèmios e reconnoschimentos. Tra sos ùrtimos sa medàllia de prata in sa categoria Dark Ipa a su Barcelona Beer Challenge cun sa birra DarqSide, sa bèvida marigosa e echilibrada fata cun mele de mudegru e orruvu chi at su nùmene chi ammentat sos Pink Floyd e Star Wars.


 

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu