Apretu coronavirus: sa denùntzia de Emiliano Deiana contra a sa polìtica regionali

Su presidenti de s'Anci de sa Sardigna e is pentzamentus de is sìndigus sardus
28 Cabudanni 2020
emiliano deiana

S'aumentu de su nùmeru de is malàdius de coronavirus in Sardigna donat pentzamentus a is sìndigus sardus, lassaus a solus de sa R.A.S., Regioni Autònoma de Sardigna. Ddu denùntziat Emiliano Deiana, Presidenti de S'Anci regionali, in sa pàgini Facebook cosa sua.

Deiana acrarat ca funt medas is sìndigus chi ant decìdiu de serrai totu e de firmai su traballu de is iscolas in is biddas insoru. Sa denùntzia de su Presidenti de s'Anci est polìtica, poita contra a sa polìtica regionali Deiana pretzisat ca in tempus de paxi “non si funt bòfias oberri iscolas in is biddas po vitai ca is piciocheddus si movant cun is postalis, chi funt unu logu de tropèliu perigulosu”

© RIPRODUZIONE RISERVATA