S'arrumbu de Sardigna Natzione Indipendentzia a su populu de su Kanaky-Nova Caledonia

Su 4 de su santugaine su populu de su Kanaky-Nova Caledonia at a votare su referendum pro s'indipendentzia dae sa Frantza
30 Cabudanni 2020
indipendentzia

Cun una nota de imprenta, Bustianu Cumpostu, boghe de SNI - Sardigna Natzione Indipendentzia, donat s'arrumbu de su movimentu indipendentista cosa sua a su a su populu de su Kanaky-Nova Caledonia chi su 4 de santugaine at a votare su referendum pro s'indipendèntzia dae sa Frantza:

Solidariedade a su populu de su Kanaky-Nova Caledonia. Su 4 de santugaine in Kanay-Nova Caledonia si votat su referendum pro s'indipendentzia dae sa Frantza de sa cale est oe "territoriu de ater'ala de mare". Su referendum est suta supervisione de s'ONU. Sos indipendentistas de FLNKS sunt faghende una bella campagna pro su eja - oui e nois indipendentistas sardos semus a costatzu issoro in custa batalla de importu gosi mannu, ca ischimus ite cheret narrere a essere suditos de istados angenos, ischimus ite cheret narrere a no essere meres in domo nostra e non podere detzidere supra de nudda.

Cumbidamus totu su populu Kanaky a votare eja oui, a seberare sa libertade e intrare in su mundu comente tzitadinos liberos e non comente suditos de atere. Bingat su populu Kanaky, bingat sa libertade de sos populos impedidos, bingat sa democratzia in totu su mundu. Un'afrantzu de coro a Mickael Forrest de su FLNKS-Officiell, grande amigu e grande cumbatente pro sa libetade de sos populos.

© RIPRODUZIONE RISERVATA