Tàtari: manifestada de su Comitau “Tu tzi serri? Tu tzi paghi!” contra a s'ùrtimu DPCM e a su guvernu de sa RAS

Sàbudu chi benit s'atopu de sa manifestada at essi in pratza Castello a is 18.00
29 Ladàminis 2020
manifestada

Contra a s'ùrtimu DPCM Su Comitau “Tu tzi serri? Tu tzi paghi!” aprontat una manifestada in Tàtari po sabudu 30 de su mesi de ladàminis 2020. S'atopu at essi in pratza Castello a is 18.00.

Ma fadeus una pariga de passus agoa. A pustis de essi stètia declarada “Covid free” in su mesi de làmpadas, in diri de oi sa Sardigna bivit una destrossa mala. Cali est sa resoni? Su governu italianu at obertu s'ìsula a su virus covid 19. In prus de custu, in is mesis passaus sa RAS no est arrennèxia a aprontai unu sistema de Sanidadi publica capassu de afrontai sa segunda undada de coronavirus.

Cun nd'una nota de imprenta, e cun sa punna de pediri unu càmbiu de passu po sa Sanidadi, is Trasportus e s'Iscola, su Comitau “Tu tzi serri? Tu tzi paghi!” tzèrriat sa genti a manifestai. Is propostas fatas funt medas. Intre custas ddoi at sa criatzioni de mesuras netzessàrias a afortiai is trasportus e garantiri chi is piciocheddus no depant sighiri is letzionis de s'iscola online.

© RIPRODUZIONE RISERVATA