A Foras: su 19 de su mesi de onniasantu 2020 s'atòbiu a faci de su Poligonu de Cabu Frasca

Su coronavirus non firmat is esercitatzionis militaris in totu sa Sardigna: “A faci de custas cosas non podeus serrai is ogus”
18 Onniasantu 2020
a foras

Cun s'apretu coronavirus sa sanidadi sarda at amostau s'isciàsciu malu aundi est arruta, cun is operadoris sanitàrius chi funt is ùnicus a tenni in pei totu is istruturas. Epuru custu disacatu non firmat is esercitatzionis militaris, chi de su 1 de su mesi de ladàminis 2020 funt dògnia diri in cursu in terra sarda.

“A faci de custas cosas non podeus serrai is ogus”. Est cantu iscrirint is militantis de A Foras, su movimentu chi tenit sa punna de liberai sa Sardigna de s'ocupatzioni militari.

Po custa arrexoni cras, su 19 de su mesi de onniasantu, is militantis de A Foras ant essi a faci de su Poligonu de Cabu Frasca po pediri chi totu su dinai chi su stadu italianu spendit cun is esercitatzionis siant impreaus po afortiai sa sanidadi sarda.

S'atopu s'at a fai respetendi is arregulas anticovid.

© RIPRODUZIONE RISERVATA