Aristanis: lìngua sarda in Procura

Sa bìntzida trigadia de Doddore Meloni
25 Gennàrgiu 2021
sardu

Non funt istètius ghetaus a mari is annus de gherra de Dodore Meloni in defensa de su deretu de faeddai sa lìngua sarda in tribunali. Est de su 20 de gennàrgiu sa nova chi lompit de sa Procura de Aristanis, chi fait isciri de ai obertu un'isportellu in lìngua sarda.

Sa de Aristanis est sa primu Procura de sa Repùblica italiana a donai custu tipu de serbìtziu a chini faeddat sa lìngua mama reconnota de s'Itàlia comenti lìngua de minoria.

S'Isportellu est giai obertu e traballat cun su pùblicu esternu e internu. Duncas, traballat siat cun chini chistionat su sardu e olit faeddai sa lìngua sua po comunicai cun is ufìtzius de Palatzu giustìtzia, siat po consulèntzias linguìsticas e po fainas de tradutzioni, cun is magistradus e cun sa politzia giuditziària.

© RIPRODUZIONE RISERVATA