Coronavirus: sa denùntzia de sa Rete Sarda Difesa Sanità Pubblica

"In Sardigna su Covid at postu in evidèntzia sa debbilesa de unu su sistema sanitàriu". A ddu sutalineai po sa Rete Sarda Difesa Sanità Pubblica est Claudia Zuncheddu.

Sa boxi de su cumitau, difatis, denùntziat puru sa duda asuba de su traciamentu de is cutatus covid, de su nùmeru de is malàdius, de sa calidadi de is tamponis e de sa seguràntzia insoru, e finas de su tempus chi nci olit po isciri s'esitu.

Sa debbilesa de su sistema si bit puru de is datus de s' "Istituto Superiore di Sanità". Is mantessi nùmerus - pretzisat sa nota de imprenta de sa Rete Sarda - benint impitaus "po determinai su colori de donai a is regionis", ma custus "non funt datus segurus e su prus de is bias cuntrastant cun is datus pigaus de is mèdicus chi traballant in is territòrius sardus". "Ddoi at - si ligit - unu subraprus de negativus falsus. In prus est crescendi su fenòmenu de sa genti chi forsis est malàdia ma chi non ddu narat po timoria de su sistema sanitàriu e de su prètziu de su tamponi".

Ma cummenti si podit binci contra a custa debbilesa? Po sa Rete Sarda si podit binciri feti finchendi in medicus e in ispidalis. Po custa arrexoni sa retza, impari a is comunidadis e a is istitutzionis localis, pedit a s'Assessori de sa Sanidadi e a su Presidenti de sa Giunta chi siant fatus luegu bandus in is territòrius innoia non ddoi at assistu primàriu. Scèti aici s'ant a podi assegurai is traballadoris sanitàrius chi mancant a s'apellu.