Cagliari Social Forum: sit in po fueddai de sa frimada de sa produtzioni de bòmbias

Un'atopu po donai iscedas ladinas
6 Fiàrgiu 2021
rwm

Agoa de su determinu de su Parlamentu italianu de frimai sa produtzioni de bòmbias de sa RWM, su Cagliari Social Forum aprontat unu sit in "cun s'iscopu de donai iscedas ladinas". S'atopu est po martis 9 de su mesi de fiàrgiu a is 10.30 in pratza Unione Sarda in Casteddu.

"Beneus a isciri de s'imprenta - si ligit in su comunicau - ca a pustis de tanti, su Parlamentu italianu at determinau de atuai sa lei 185/90 asuba de sa saca de armas", e - s'aciungit - "Seus Prexaus de custu provedimentu chi eus bòfiu cun fortza".

De sèmpiri impignau a gherrai contra a sa RWM, cun custu sit in su Cagliari Social Forum tenit sa punna de acrarai beni comenti funt is cosas, cun nd'unu apellu a is traballadoris de sa fàbrica de sa morti, arrispundendi a s'AD e amentendi a calencunu sindacau is mancàntzias cosa sua. Custas funt totus realidadis chi si cuant a pabas de "defensa de su traballu" ma mandant ainnantis su "diritu a sa destrossa de is pòpulus".

© RIPRODUZIONE RISERVATA