14 de su mesi de làmpadas: su sit-in contra a is esercitatzionis militaris israelianas in Sardigna

Atòbiu asuta de su Consillu de sa RAS
10 Làmpadas 2021
a foras

S'at a tenni lunis 14 de su mesi de làmpadas de su 2021 a is 19.00 su sit-in contra a is esercitatzionis israelianas in Sardigna.

Tzerriau de is militantis de “A Foras contra a s'ocupatzione militare de sa Sardigna”, de s'asòtziu “Sardegna Palestina”, de su “Cagliari Social Forum” e de is “Madri contro la Repressione”, su sit-in s'at a tenni asuta de su Consillu de sa Regione Autònoma de Sardigna.

Est de 8 mesis chi sighint is esercitatzionis militaris in su celu de Sardigna”, iscrint is militantis de A Foras. E aciungint ca “cun s'esercitatzioni FALCON STRIKE 2021 (7 – 21 de làmpadas 2021) sigheus a aghilliri is esèrcitus USA, is Ingresus, is Italianus e po finas is Israelianus chi calincuna cida fait ant torrau a fai violèntzia contra a su populu de is Palestinesus”.

© RIPRODUZIONE RISERVATA