Grètzia, sa dereta de Nea Dimokratia est binchende sas eletziones

A sas 18 italianas (sas 19 in cue) ant serradu sas urnas in Grètzia. A su presente, pro custas eletziones, b’amus sos exit poll ebbia chi, si cunfirmados, dant una majoria de sos cunsensos a su partidu de dereta Nea Dimokratia cun unu mìnimu de su 36%. Syriza, su partidu de Tsipras non nche diat colare su 29% andende·li bene. Sos sotzialistas imbetzes sunt intre su 9,5 e su 12,5%, Intre su 6 e s’8 su Kke (comunistas). Subra de lìmite de su 3%, forsis, fintzas su partidu MeRA25 de Yannis Varoufakis (ex ministru de su guvernu Tsipras), Plefsi Eleftherias de Zoi Konstantopoulou (ex Siryza issa puru e ex presidente de su parlamentu) e s’estrema dereta.

m.p.