Patada: cun su caseifìtziu abertu a iscola de sabore

S'idea de sa cooperativa “La Concordia”
5 Maju 2023
aprofundimentos

Aprofundimentu de su chenàbura - A iscola de sabore in caseifìtziu, in Patada leat forma s'idea de sa cooperativa "La Concordia".
Sàbadu 6 de su mese de maju dae sas 10.00 sa "Latteria sociale cooperativa La Concordia" aberit sa ghenna de sa pròpiu "domo" pro fàghere bìvere a sos bisitadores una die de educatzione alimentare a sos istudiantes de s'iscola mèdia e a sos chi sunt interessados.
Una die importante, chi at comente protagonista su sabore e chi ponet atentzione manna a unu de sos primores de su territòriu.

S'initziativa "Caseificio Aperto", naschet in collaboratzione cun "Il Consorzio di tutela del Pecorino Romano DOP". Tra sas fainas prevididas b'est sa bisita ghiada a sos impiantos, sa mustra de sos trastos istòricos e sos tastos de casu, de recotu e de cramas de casu, produidas gràtzias a su late de calidade arta chi sos sòtzios de sa cooperativa batint in caseifìtziu.
Tra sos tastos lichitos b'at a èssere finas su pratu tìpicu patadesu, est a nàrrere "sas pellitzas". Unu pratu cundidu sempermai cun "Pecorino Romano DOP".

Non est totu, sa die at a èssere allegrada dae sa boghe de su cuncordu Santa Rughe de Patada e dae sos ballos de su grupu folk Santa Sabina.

"Semus cuntentos meda de torrare a abèrrere sa ghenna de su caseifìtziu nostru a totus sos chi cherent bènnere a s'agatare " pretzisat a ANSA Francesco Pizzadili, vitze-presidente de sa "Latteria La Concordia".

 

Bisitare su caseifìtziu cheret nàrrere finas ascurtare s'istòria de sa "Latteria La Concordia", cheret nàrrere bìdere comente naschet sos produtos issoro, ma cheret nàrrere finas tastare bonidades ùnicas. Sos produtos primorosos de sa "Latteria La Concordia", difatis, sunt fìgios de traditzione e innovatzione, sunt s'addòbiu tra tempus coladu e tempus benidore, sunt su resumu de connoschèntzia e de sabores ùnicos, sunt un'istòria chi si trasmitit de generatzione in generatzione.

© RIPRODUZIONE RISERVATA

Aprofundimentos

Attività realizzata col contributo della Regione Sardegna - IMPRENTAS 2022-2023. LR 22/2018, art. 22

Image
ras